Израелската воздушна кампања во Либан се спроведува со интензитет што може да се спореди само со првите недели од бомбардирањето на Газа минатата година, изјави експерт за воздушна војна за Си-Ен-Ен.

Емили Трип, директорка на групата за набљудување на воздушните војни со седиште во Велика Британија, „Ерварс“, изјави дека и кампањите во Либан и во Газа се одвиваат на „ниво и интензитет што сојузниците на Израел едноставно немаше да го спроведат за 20 години“.

„Тоа може да се спореди само со првите недели во Газа“, рече Трип за кампањата во Либан.

„Реалноста е дека војната е неуредна и комплицирана, а милитантите се вклопија во цивилни населби, што само по себе ги загрозува цивилите. Ова не е едноставна работна средина“, додаде Трип.

„Веќе не сме во ситуација линиите да се лесно препознатливи, особено кај цивилното население. Но, тоа не значи дека треба да се напуштат цивилната заштита и мерките за цивилна заштита. Мислам дека е многу лесно да се обвини маглата на војната и да се каже дека ова е само многу комплицирана средина, но не е“, рече таа.