Излезе „Културен печат“ број 207 во весникот „Слободен печат“
КУЛТУРЕН ПЕЧАТ број 207, во печатеното издание на весникот „Слободен печат“ (2-3.12.2023), во својот стандарден формат на осум страници меѓу содржините од областа на уметноста и културните настани има:
– интервју со д-р Ана Мартиноска од Институтот за македонска литература за монографијата со тажаленки: Тажен фолклористички паметник на многу генерации скопјани
– разговор со актерката Дарја Ризова од МНТ: Верувам во идеалот за создавање поубав и похуман свет
– промовирана е монографијата „75 години Театар Куманово (1948 – 2023)“
– под слоганот „Поп мај корн“ на 2 и 3 декември во „Мала станица“ во Скопје се реализира првото издание на Фестивалот за современа уметност „Танц Бункер 01“
– јубилејното десетто издание на ПИН-Конференција и шоукејс, како дел од програмата на 25. Фестивал „Таксират“, од 30 ноември до 2 декември се одржува во МКЦ во Скопје
– изложба „Фрагментирани реалности“ на Страхил Петровски: Деструктивната моќ на човекот ставена „на пиедестал“
– во галеријата „Метаноја“ во Скопје од 28 ноември е поставена изложбата „Таен премин кон Месечината“ на Ване Костуранов
– поглед кон претставата „Пикник на фронтот“ во Драмски театар: Сенки од луѓе што се обидуваат да опстојат
– книгата „Траума и театар: Горан Стефановски“ од проф. д-р Мишел Павловски беше промовирана во Културно-информативниот центар – Скопје
– промовирана е книгата „Книжевни крстопати (сведоштва од меѓукултурниот дијалог)“ на Звонко Танески во издание на „Полица“
– во КИЦ – Скопје на 6 декември ќе се одржи дебата со тематски наслов „Книжевната сцена во современиот културен контекст“, која ќе ја модерира новинарката и културна истражувачка Ана Јовковска.