Нов голем успех забележа македонската атлетика, а истиот доаѓа благодарение на Дарио Ивановски кој оствари голем резултат на Балканското сениорско првенство кое се одржува во Истанбул (Турција) во машка и женска конкуренција.

Нашиот натпреварувач во трката на 3000 метри го освои првото место и златниот медал со време од 08:03.95 мин.

Второпласиран беше турскиот атлетичар Чихат Улус, а на третата позиција се најде Вид Ботолин од Словенија.

На овој настан учествуваат 22 држави членки на Балканската федерација со преку 250 атлетичари.

Покрај Ивановски, настапува и Јован Стојоски во трката на 400м за која исто така се очекуваат резултатите.