Новак Ѓоковиќ минатата година беше на добар пат да испише нови страници во тениската историја, победи на првите гренд слем турнири, Австралија Опен, Ролан Гарос и Вимблдон и кога сите очекуваа да триумфира на УС Опен, се случи пад во формата на српскиот тенисер.

Според неговиот тренер, Горан Иванишевиќ, голема улога во неуспехот да се победи на УС Опен (загуби во финалето од Медведев) имаат Летните Олимписки игри во Токио. Хрватот смета дека Новак направи една грешка со настапот на Игрите во Токио.

– Никој не можеше да го спречи Новак да не настапи на ОИ во Токио. Мислам дека не погреши што настапи во Токио, но направи грешка кога одлучи да игра во двојки. Тоа не му беше потребно бидејќи на крајот се умори – изјави Иванишевиќ.