Исчистени две диви депонии во Општина Илинден
Во рамки на акцијата за чистење на диви депонии која беше спроведена во соработка со екипите од ЈКП „Илинден” и инспекциската служба од Општина Илинден собрани се околу 70м3 мешан комунален отпад, градежен шут и слично.
Исчистени се две диви депонии во н.м. Миладиновци, на потегот од Миладиновци кон Текија, како и покрај железничката пруга во Миладиновци, информираат од Општина Илинден.
Како што објаснуваат од оваа локална самоуправа, во рамки на акцијата за чистење на диви депонии која беше спроведена во соработка со екипите од ЈКП „Илинден” и инспекциската служба од Општина Илинден собрани се околу 70м3 мешан комунален отпад, градежен шут и слично.
Во наредниот период, Општина Илинден ќе продолжи со акции за чистење на диви депонии, со што значително ќе се придонесе за намалување на аерозагадувањето, како и подобрување на животната средина. Општина Илинден апелира до сите граѓани да го почитуваат Законот за јавна чистота, да не го оставаат ѓубрето на недозволени места и со своето однесување и еколошка свест да придонесат за поздрава и почиста животна средина – велат од Општината.