Интер и Манчестер Јунајтед се договорија: Онана за 50 милиони евра се сели на „Олд Трафорд“
По само една година помината во Интер со кој играше финале во Лигата на шампионите, Андре Онана ќе ја промени средината.
Според пишувањето на италијанските и англиските медиуми, Манчестер Јунајтед и Интер се договориле за продажба на 27-годишникот, а „црвените ѓаволи“ на сметка на клубот од Милано ќе исплатат сума од околу 50 милиони евра.
Интер така направи одличен потег бидејќи Онана минатото лето пристигна бесплатно од Ајакс и по една година поради одличните настапи ќе имаат одлична финаниска корист. Како потенцијални замени за Онана се Јан Зомер од Баерн Минхен и Анаталиј Трубин од Шахтјор.
Зомер со Баерн ја освои Бундеслигата, но не се прослави премногу во Минхен, додека Трубин одлично брани во Украина и спремен е за нов чекор во кариерата.
Кога во прашање е Манчестер Јунајтед, Онана пристигнува како замена за Давид Де Геа кој си замина по истекот на договорот откако 12 години помина во клубот.