Институтот за македонска литература при УКИМ организира настани поврзани со Европската рута на Кирил и Методиј
Институтот за македонска литература при Универзитетот „Св. Кирил и Методиј“ во Скопје на 20 и 21 мај организира два настани.
Препорачано
На првиот на 20 мај, во 19 часот, во „Јуроп хаус – Скопје“ ќе се одржи промоција на две изданија: на списанието „Европа: по рутата на Кирил и Методиј“ – туристичка публикација во издание на „Lookat it.cz“ од Чешка и на преводот на македонски јазик на романот „На убавата сина Джевнице“ од чешкиот писател Антонин Бајаја во издание на „Перун Артис“ од Битола.
На настанот ќе присуствуваат бројни гости од Чешка и Словачка, како составен дел на асоцијацијата „Европската рута на Кирил и Методиј“ при Советот на Европа.
На 21 мај, со почеток во 10 часот, во „Порта Македонија“ ќе се организира Генерална асамблеја на асоцијацијата „Европската рута на Кирил и Методиј“ при Советот на Европа, во која членува и Македонија, на која поздравно обраќање ќе има Министерот за култура и туризам на РС Македонија Зоран Љутков. Министерството за култура и туризам е носител на Програмата за Културните рути при Советот на Европа.
