ИНФОГРАФИК: На Македонија женско и е само името! (ВТОР ДЕЛ)
Како што објавивме и вчера, денеска следи вториот дел во кој се гледа дека Македонија кубури со жени на јавни функции, односно дека Македонија и во 21 век е машка држава. Покрај тоа што на големо се слави 8 март и пошироката јавност зборува за родовата рамноправност, сепак, понежниот пол и натаму е дискриминиран во сите сфери на општетсвото.
Препорачано
„Слободен печат“ веќе објави неколку написи поврзани со родовата дискриминација, а сега, во серијал од три дела, ви ја претставуваме состојбата со застапеноста на жените во политиката и на поважните јавни функции.
Се намалува родовата разлика во Парламентот
Во Собранието на РСМ процентуалната застапеност на пратеничките изнесува 38 проценти, или од вкупно 120 народни избраници, бројката на припаднички на понежниот пол е 46.
Досега ниту една жена не била Спикер во Собранието
Од прогласување на независноста на државата функцијата Претседател на Собранието ја извршувале само мажи, додека едниствена жена „спикер“ била Ката Лахтова (28.04.1984 – 25.04.1985), но во времето кога Република Северна Македонија била дел од СФРЈ.
Во актеулниот состав на потпретседатели на Собранието на РСМ има една дама, а тоа е пратеничката Фросина Ташевска-Ременски. Во минатото на оваа функција од 30 потпретседатели, само четири биле жени и тоа: Лилјана Поповска (23.01.2003 – 6.12.2004), Светлана Јакимовска (31.07.2008 – 25.06.2011, 12.07.2011 – 2.07.2014), Сузана Салиу (12.07.2011 – 2.07.2014), Рената Дескоска (нема податоци).
Иста е состојбата и меѓу градоначалниците
Во Македонија има 80 општини и плус Градот Скопје како една целина. На последните локални избори кои се оддржаа во 2017 година, шест дами успеаа да ја добијат довербата на гласачите и да седнат во градноначалничките фотељи. Сепак, оваа е и најголемата бројка на жени-градоначалници досега.
Почитуван читателу,
Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.ПОДДРЖЕТЕ ГО СЛОБОДЕН ПЕЧАТ.СО ПОЧЕТНА СУМА ОД 100 ДЕНАРИ
Видео на денот