Во врска со изјавата на службата за односи со јавноста на Општина Битола, дека проектот за изградба на кружен тек на улицата „Прилепска“ со улица „Баталјон Стив Наумов“ кај Ветеринарната станица чија реализација денеска почна со сечењето на дрвја и зеленило и предизвика револт кај битолчани, претходно  добил едногласна поддршка од сите советнички групи во Советот, со реакција се  јави претседателката на Битолскиот Совет Габриела Илиевска која негира дека за овој проект гласале сите советници.

-Не  е точно дека проектот за изградба на кружен тек на улица „Прилепска” со улица „Баталјон Стив Наумов” добил поддршка од сите советници. Напротив, на  седницата на Советот која што  се одржа на 16 септември 2022 година, тој не доби мнозинство гласови.