И стар автомобил не може да се купи без кредит

Од 2010 година, кога тогашната Влада ја крена старосната рампа за увоз на половни возила, почна масовен увоз на стари возила. Во 2009 година вкупниот увоз на нови патнички возила бил 10.547, а на стари – 2.944. Минатата година ја завршивме со увоз на 6.341 нови патнички возила и 38.580 употребувани патнички возила.

Ако пред Светската финансиската криза многумина се осмелија да купат нов автомобил на кредит, годините потоа овој вид кредитирање постојано се намалува. Според базата на податоци, која Народна банка ја објавува од 1 јануари 2009 година, тогаш автомобилските кредити изнесувале 69 милиони евра, а во август годинава, износот е одвај 4,6 милиони евра.

Во изминативе години граѓаните, главно, се подновуваа со стари автомобили. Од 2010 година, кога тогашната Влада ја крена старосната рампа за увоз на половни возила, почна масовен увоз на стари возила. Ова требаше да биде лек за замена на многу стари возила со помалку стари возила, во услови кога имаше намалување на економскиот раст и на животниот стандард. Имено, во 2007 година и во 2008 година, кога и најмногу се купуваа нови автомобили, се забележани најголемите стапки на економски раст од 6,5 и 5,5 проценти, а 2009 година заврши со негативна стапка од 0,4 проценти. Но, и годините што следеа не го вратија „златното“ кусо време на вистинско подновување со нови возила. Затоа, нема позначајни бројки за класичните автомобилски кредити, а парите за старите возила најчесто се обезбедуваат со потрошувачките кредити.

Прочитајте и...  Советот на амбасадори го поздравува повлекувањето на Предлог законот за надворешни работи од собраниската процедура

Заклучно со август годинава, вкупниот износ на потрошувачки кредити е 1,57 милијарди евра, но колку од овој износ е потрошен за купување стари возила, тоа не може да се знае. Во банките велат дека тие немаат обврска да бараат отчет за тоа за што ќе се користат потрошувачките кредити кои се ненаменски, односно дека банката, за да го одобри кредитот, ја интересира само кредитната способност на тој што го бара заемот. Сепак, оттаму неофицијално велат дека и според нивните сознанија, многумина во изминативе години земале потрошувачки кредит за купување половно возило, а дел од нив ратите сѐ уште ги отплатуваат.

Продавачите на стари возила, пак, велат дека откако почна короната, продажбата е драматично намалена, а свој придонес имаа и зголемените давачки од страна на државата за старите возила, што се воведоа на почетокот од годинава. Според нив, најмногу се бараат возила што чинат до 5.000 евра.

Прочитајте и...  Русковска: Само Груевски има дадено исказ во случајот за парцелите на Водно

Според податоците од Царината, во август се увезени вкупно 2.670 патнички возила, од кои 414 се нови, а 2.256 се употребувани возила. Истиот месец, во годината пред да се зголеми старосната граница за увоз на возила, односно во 2009 година, биле увезени вкупно 856 патнички возила, од кои 642 нови и 214 стари. Инаку, во 2009 година вкупниот увоз на нови патнички возила бил 10.547 автомобили, а на стари 2.944. Минатата година, пак, ја завршивме со увоз на 6.341 нови патнички возила и 38.580 употребувани патнички возила.

Поврзани вести

ВИДЕО: Од што заболуваат американските дипломати во Русија и Куба? Сè започнува со губење на слухот

Маријана Митровска

Уште еден велешанец ја загуби битката со коронавирусот

Слободен печат

Детали: Волонтерот кој умре на тестирањето на Оксфорд вакцината, примил друга вакцина

Слободен печат

Алиев: Азербејџан презеде контрола над 22 места во Нагорно-Карабах

Слободен печат

Рамадани: Изјавата на Каракачанов е сериозна, но и апсурдна

Слободен печат

Нагорно Карабах останува воена зона: Турција е подготвена да испрати војска во Азербејџан

Слободен печат

Остави Коментар