Ерик Адамс, избран за градоначалник на Њујорк Сити, изјави дека би сакал првите три плати да ги добие во биткоини, зајакнувајќи ја својата предизборна иницијатива да го направи Њујорк „центар на индустријата на криптовалути“.

Поранешниот полициски капетан победи на изборите одржани оваа недела и во јануари официјално ќе ја преземе функцијата од актуелниот градоначалник Бил де Бласио.
Слична иницијатива има и градоначалникот на Мајами, Франсис Суарез, кој исто така побара првата плата од новиот мандат да му биде исплатена во биткоини. Суарез во август придонесе за лансирање на криптовалутата „мајамикоин“ и најави дека Мајами ќе биде „јадроото за иновации во криптовалути“.

Њујоршката јавна обвинителка Летисија Џејмс, која е кандидатка за гувернер на таа сојузна држава, неодамна покрена голема операција против нерегистрирани компании што лансирале криптовалути“.