Здружението за церебрална парализа-Тетово со ликовни уметници утре со почеток во 20 часот во тетовското кафуле “Вајп“, ќе организираат добротворна акција на уметнички дела. Парите од продадените слики ќе бидат наменети за поддршка и помош на лицата со посебни потреби.

„Секој од нас треба да им помогне на овие луѓе оти промените треба да почнат од секој од нас, за да имаме едно подобро општество за сите. Така да мислам дека секој добронамерен особено компаниите кои се од Тетово, треба да бидат дел од овој хуманитарен настан и да им се помогне на овие деца оти на нив им треба нашата помош и поддршка. Се работи за изложба односно ќе се продаваат уметнички слики, со некоја одредена симболична цена. За да ја разубават вечерта ќе пеат девојките од групата „Шербет“ и мислам дека на крајот ќе им помогнеме на лицата со попреченост“, рече Славчо Максимовски иницијатор на хуманитарната акција.

Вакви акции кои се покажаа како успешни се организираа во Велес и Битола.