Жена и нејзината ќерка (14) загинаа во сообраќајна несреќа што се случила на дел од патот што бил блокиран поради протестот на француските земјоделци.

Несреќата се случила во градот Памиер, во јужниот француски департман Ариеж. Деталите за несреќата не се познати.

„Жената почина, а нејзиниот сопруг и ќерка се во тешка состојба и беа згрижени од Брзата помош“, изјави претседателот на синдикатот на фармери FNSEA Арно Русо.

Потоа стигна информација дека девојчето им подлегнало на повредите, додека не се знае во каква состојба е таткото.

Земјоделците во Франција протестираат поради ниските откупни цени на земјоделските производи и бараат намалување на даноците, што се барањата на земјоделците ширум Европа.

Тие ги блокираа патиштата во делови од Франција минатата недела поради новиот данок на горивото за трактори, евтиниот увоз на земјоделски производи и ниските откупни цени. Владата најави дека сака да го слушне мислењето на претставниците на земјоделците за да се вклучат дополнителни мерки за поддршка на секторот во предлог-законот за земјоделство.