Градскиот парк во Скопје денес беше преполн со граѓани кои беа излезени да уживаат во сончевиот ден. Некои со децата, други со милениците шетаа низ паркот, но она што ги изненади сите, е автомобилот  марка „ситроен Ц3“ кој се движеше во паркот, поточно по патеката која е наменета исклучиво за пешачење.

Иако т.н. тартан патеката во Градскиот парк служи за рекреација на скопјани, по се изгледа овој скопјанец таа рекреација не ја сфатил како што треба па денес возеше со својот автомобил.

Револтирани граѓани веднаш ни ја испратија сликата до нашата редакција се со цел надлежните институции да реагираат за несовесниот возач.