Поранешната мис Нина Бојановиќ ги откри деталите од нејзината голема борба со здравствените проблеми поради кои двапати била во индуцирана кома и двапати на респиратор.

Имено, Нина Бојановиќ изминативе шест месеци води борба со епилепсија, која ѝ го промени животот.

Во 2020 година, младата манекенка победи на натпреварот „Мис супранационал“ на Хрватска, а потоа почнаа и здравствените компликации за кои таа јавно проговори.

Пред шест месеци ѝ била дијагностицирана епилепсија, поради која поголемиот дел од времето го поминува во болница. Двапати била во индуцирана кома и двапати на респиратор, а сѐ за да не добие срцев или мозочен удар.

– Тешко ми е, не се справувам добро со тоа во моментов бидејќи тоа е нешто ново за мене. Се обидувам да застанам на нозе и психички, и физички, со помош на семејството и лекарите – изјавила Нина за „Глас Подравине“.

Лекарите сѐ уште не знаат што се случува со неа бидејќи нејзините напади се сѐ почести и траат долго.

– Епилепсијата ме уништи во многу области од мојот живот. Не можам да излезам како сите мои врснички, укината ми е возачката дозвола, како и некои работи за кои сонував. Од времето поминато во затворено, во болница, имам страв да излезам надвор затоа што добивам напад на паника или анксиозност – раскажала поранешната мис и додала:

– Сфатив дека убавината и парите не значат ништо бидејќи ништо не е поважно од здравјето и семејството. Се занимавав со манекенство, па дури станав и „Мис супранационал“ на Хрватска, но искрено ќе кажам дека тој избор не ми требаше – рекла убавата Нина.

Нина ја освои титулата мис на 18 години, а денес има 20 години и води сериозна битка за своето здравје.