Најголемата хрватска фармацевтска компанија пријави недостиг на познат лек за смирување, поради „неочекувано зголемена потрошувачка“, објави Даница.хр.
Според „Јадран галенскa лабораторија“ од Риека, има недостиг на таблети „темелор“ од 2,5 мг од активната супстанција лоразепам. Причината е неочекувано зголемена побарувачка. Лекот нема да се најде на пазарот до 25 март, велат од ЈГЛ.

Лоразепам е лек против анксиозност кој се користи за краткорочно олеснување на анксиозноста што предизвикува екстремен стрес и за лекување на проблеми со спиењето предизвикани од анксиозност. Претходно, фармацевтскиот гигант Сандоз исто така пријави недостиг на таблети Санвал од 10 мг, чија активна супстанција е золпидем тартарат. Поради проблеми со производството, тие нема да бидат достапни до крајот на април.

Кога станува збор за психофармацевтски препарати, лекови кои влијаат на нервниот систем, најголема потрошувачка има во Вуковарско-сремската жупанија и Копривничко-крижевската жупанија. На врвот се и Вировитица и Бјеловар. Најмалку лекови за нерви се консумираат во јадранските окрузи, пред сè во Истарскиот, Сплитскиот и Дубровничкиот регион.