Холандскиот фудбалски клуб Твенте пред неколку дена го објави својот годишен извештај, а некои од бројките го привлекоа вниманието на јавноста.

Овој тим најмногу заработува од продажба на билети, но интересно е колкав дел од приходите оваа екипа остварува од угостителството.

Твенте објави дека овој клуб за тековната година остварил промет од 10,5 милиони евра и дека има значителен пораст во однос на претходната година.

Ако од тоа се одземат трошоците кои изнесуваат околу 4,5 милиони евра, нето добивката на холандскиот клуб во угостителскиот сегмент изнесува цели 6 милиони евра.

Интересно, оваа екипа заработувала двојно повеќе приходи од угостителство отколку од продажба на играчи. Познатиот холандски новинар Том Книпинг е фасциниран од овие податоци.

– Неверојатно е дека Твенте заработува повеќе од пиво отколку од играчи. Не гледам никаде во Европа некој клуб да заработува повеќе од пиво отколку од продажба на фудбалери – изјави Книпинг.