Хари се откажува од Велика Британија? Принцот за првпат наведе дека САД е неговото примарно место на живеење

Принцот Хари / Фото: EPA-EFE/ANDY RAIN

Принцот Хари за првпат во официјални документи наведе дека САД е неговото примарно живеалиште, бидејќи стравува од депортација поради признанието дека се дрогирал во текот на животот, пишува „Дејли мејл“.

Набргу откако ја објавија одлуката со Меган дека ќе се повлечат од кралските должности во 2020 година, војводата од Сасекс на добротворен настан изјави дека Велика Британија е неговиот дом и местото што го сака и тоа никогаш нема да се смени.

Но, по четири години сепак работите се менуваат. Имено, „Дејли мејл“ открива дека принцот Хари ги ажурирал своите документи во оваа земја за да стане јасно дека повеќе не живее во Британија. Документите покажуваат дека новата примарна земја на живеење на принцот сега е Америка.

Промената на живеалиштето доаѓа откако почна да се зголемува притисокот врз владата на американскиот претседател Џо Бајден да објави информации за визите на Хари, откако американскиот амбасадор во Лондон рече дека принцот никогаш нема да биде депортиран додека на чело на Америка е претставник од Демократската партија.

Документите се поднесени поради неговата компанија за еко-туризам „Тавалист“Travalyst. Промената покренува сериозни прашања за тоа дали тој може да продолжи да биде државен советник, еден од седумте членови на кралското семејство кои можат да застанат за монарх кога кралот е во странство или не е добро.

ВИДЕО | Се шири снимка на интернет: Меган Маркл избрка жена која сакаше да застане до принцот Хари

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот