Како што пренесува италијанската „Газета“, вистински хаос настана во италијанската Серија Б, каде што промените во табелата предизвикаа целосен пресврт во борбата за опстанок.

Иако изгледаше дека Сампдорија сигурно се сели во третата лига, Серија Ц, сега се појави голема надеж за клубот од Џенова. Причината за новиот развој на настаните е одлуката на раководството на Серија Б да и одземе четири бода на екипата на Бреша, што значително ја менува ситуацијата на табелата.

Со ваквиот расплет, Бреша паѓа под Сампдорија на табелата и се приклучува на Цитадела и Козенца како екипи кои испаѓаат во Серија Ц.

Натпреварот од плеј-аутот помеѓу Фрозиноне и Салернитана, кој требаше да се одигра утре, е одложен, а најверојатно и целосно поништен. Новиот распоред значи дека Фрозиноне ќе остане во Серија Б, додека Сампдорија ќе ја добие шансата за спас преку бараж дуел против Салернитана.

Проблемот со Бреша настана околу февруарскиот рок за исплата на плати и допринос, наводно клубот покривал дел преку даночен кредит кој подоцна се покажал како непостоечки.

Даночната управа имала прилика од 28 февруари, кога е пријавена неправилноста да реагира, но тоа сепак го направи во петокот на 16-ти мај.

Се било направено по забрзана постапка и Фудбалскиот сојуз на Италија донел одлука за одземање на четири бода на Бреша, сосема доволно да падне под Сампдорија. Бреша има право на жалба, меѓутоа поголеми се шансите таа да не даде никаков позитивен исход за нив.