Халанд со нови рекорди може да влезе во историјата на Премиер лигата
Ерлинг Халанд во дресот на Манчестер сити ја започна фантастично својата прва сезона во Премиер лигата. Водечкиот стрелец на шампионатот веќе постигна 11 гола на седум одиграни натпревари, а на нив додаде и три гола на два меча во Лигата на шампионите.
Препорачано
Овој 22-годишен норвешки напаѓач е првиот со девет гола на првите пет натпревари, прв постигнат на воведните четири гостувања во Премиер лигата, прв постигна 11 гола на првите седум натпревари. Исто така, само тројца играчи пред него во историјата на Премиер лигата постигнаа 11 гола на првите 10 натпревари – Мик Квин, Папис Сисе и Диего Коста. Халанд има три натпревари да го преземе тој рекорд, кој моментално го дели.
What Haaland is doing is ridiculous ? pic.twitter.com/EUYt1ZPfjs
— ESPN FC (@ESPNFC) September 25, 2022
Доколку продолжи да игра во оваа форма, ќе постави рекорд по бројот на голови во Премиер лигата во една сезона, пишува „Би-Би-Си“, потсетувајќи дека овој рекорд, кој изнесува 34 гола, го држат Енди Кол и Алан Ширер. Тогаш се одиграа 42 натпревари од англиското првенство. За тоа му требаат уште 24 гола во преостанатите 31 натпревар. Рекордот по бројот на голови откако Премиер лигата се игра на 38 натпревари е 32 голови, а го постави Мохамед Салах.
Никој во Премиер лигата не ја освоил титулата најдобар стрелец со просек од гол по натпревар, а најблиску до тоа беше Хари Кејн во 2016/17 кога погоди 29 пати на 30 натпревари. Доколку продолжи вака, Халанд може да го дочека крајот на сезоната со неверојатни 60 гола.
Erling Haaland so far this season ?
? 10 Games
⚽️ 14 GoalsTerminator ? @ErlingHaaland pic.twitter.com/vpCzeYKxK1
— 433 (@433) September 29, 2022
Тој може да го загрози рекордот на Кевин Филипс, кој во првите 20 натпревари постигна 19 голови, но и Кол, кој дојде до 30 гола во 32 мечеви. Моментално е во серија од пет натпревари со гол, а рекордот го држи Џејми Варди кој постигна гол на 11 последователни средби. Понатаму, рекордот по бројот на хет-трикови во Премиер лигата е пет и е во сопственост на Алан Ширер од сезоната 1995/96. Халанд веќе е на два, откако трипати погоди против Кристал Палас и Нотингем форест.
