Хајди Клум ја освојува музичката сцена: Супермоделот објави нов денс сингл заедно со Снуп Дог
Хајди Клум го живее и бележи својот живот во полна пареа, па од супермодел, ТВ водителка, сега се остварува и како ѕвезда во денс музиката – 48-годишната германско-американска ѕвезда ги здружи силите со хип-хоп легендата Снуп Дог и објави сингл „Chai Tea with Heidi“.
Денс песната, продуцирана од „Weddingcake“ која ѝ беше обелоденета на јавноста денес, го означува враќањето на Клум во светот на музиката 16 години откако го објави нејзиниот празничен хит од 2006 година, „Wonderland“.
View this post on Instagram
Според Клум, Снуп Дог, чие вистинско име е Калвин Кордозар Бродус Џуниор, бил нејзиниот прв избор за потенцијален соработник. Во октомври минатата година, мајката на четири деца наговести дека тие ќе подготват музика споделувајќи фотографија за нејзините 8,9 милиони следбеници на Инстаграм од дуото во студио за снимање за да го одбележи роденденот на Снуп.
„Јас сум голем обожавател на Снуп Дог и мислев дека треба да одам на големо или да си одам дома. Контактирав со него за идејата и, на мое изненадување и задоволство, тој ме покани да дојдам во неговото студио. Сакам песна што ги тера луѓето да сакаат да танцуваат и да се забавуваат… и Снуп помогна токму во тоа“, изјави поранешната судијка на „Project Runway“.
View this post on Instagram
Песната „Chai Tea with Heidi“ користи семпл од класикот на Род Стјуарт од 1983 година „Babe Jane“, а во песната за Клум се резервирани стиховите: „Кога повторно ќе го дадам срцето, знам. Ќе трае вечно. Никој не ми кажува каде и кога, знам. Ќе трае вечно. Кога повторно ќе се заљубам, знам. Ќе трае вечно“.
Ова музичко остварување, исто така, служи како воведна трака за 17-тата сезона на ријалити серијата на Клум за натпреварување на манекенки „Germany’s Next Top Model“.
View this post on Instagram
Црно-белото музичко видео е снимено од познатиот фотограф Ранкин, а ги претставува Снуп и Хајди разиграни на денс антемот во свои автентични аутфити – Снуп во бунда и очила за сонце, а Клум во низа секси корсети и мини фустани кои ја покажуваат нејзината одлична фигура.
