Грција е полна со романтични плажи, но едно место на островот Крф, според локалната легенда, гарантира среќа за вљубените.

Една од најубавите и најпознатите плажи на островот Крф , живописниот Канал д’Амур или „Канал на љубовта“, е позната низ Европа и во светот како плажа за вљубените кои сакаат да останат заедно засекогаш, пренесува „Нова.рс“.

Сместено на северот од островот во близина на Сидари, на околу 32 километри од главниот град и на најзападниот дел од северниот брег на островот, тој е извонреден по неговите извајани карпи кои се издигнуваат од двете страни, формирајќи природен канал.

Според локалната легенда, паровите кои ќе го препливаат каналот ќе останат засекогаш заљубени, додека оние кои ќе допливаат до неговиот најоддалечен крај ќе ја најдат љубовта на својот живот. Многу посетители, сепак, претпочитаат едноставно да фрлат паричка во вода и да замислат желба за вистинска љубов, пишува „Грик Репортер“.

Но, оваа плажа не ја „чува“ само љубовта, туку и здравјето – според локалните жители, Canal d’Amour може да се пофали и со детоксикациски и лековити својства.

Во морето се формираат богати наслаги од глина и ќе видите многу капачи на карпите како со неа ги мачкаат телото и косата.

Исто така, плажата која е популарна од 1960-тите, секоја година го потврдува својот квалитет добивајќи сино знаме. Исто така е добро место за нуркање и спортови на вода.