На фасадата на зградата на РТВ Војводина утрово осамна графит на кој е нацртан претседателот на Србија Александар Вучиќ кој во раце држи транспарент на кој пишува: „Не е виновна зградата, јас сум уредника на програмата“.

Пораката алудира на неодамнешните случувања пред зградата на РТВ кога демонстрантите во текот на протестите ги искршија прозорцита на влезната врата.

Во текот на претпладнето графитот е префарбан со бела боја, но под фасадата јасно се надѕира ликот на Александар Вучиќ и паролата која ја држи в раце.

Пред зградата на РТВ и претходните години често се одржувани граѓански протести поради незадоволството од уредничката политика на покраинскиот јавен медиумски сервис, но поминаа без оштетување на имотот.

Zgrada RTV pic.twitter.com/nOuGisIK7q

— Oljica_13 (@13Oljica) July 18, 2020

По покраинските избори во 2016 година и доаѓањето на власт на Српската напредна партија сменет е речиси целиот уредувачки тим на информативната програма на српски јазик.

Преку ноќ се укинати неколку популарни емисии, голем број луѓе се преместени во други редакции на полоши работни места, а со повеќе од 10 соработници се раскинати договорите за работно ангажирање.

Четири години подоцна довербата на гледачите на Првата програма на телевизијата драстично опадна, а одредени информативни емисии имаат и до 10 пати помала гледаност отколку во 2016 година.