Готово: Македонскиот репрезентативец Дарко Чурлинов се враќа во Шалке
Долг период се шпекулираше во германските медиуми дека можно е Дарко Чурлинов повторно да го носи дресот на Шалке, еве тоа станува реалност.
Препорачано
Денеска 23-годишниот играч треба да ги помине лекарските прегледи, по што ќе следува потписот со германскиот клуб кој сезонава игра во втората Бундес лига и е моментно е на 14 место со 20 бодови.
Како што информира „Кикер“, крилото од Барнли до крајот на сезоната ќе игра како позајмица во Шалке со опција за купување на фудбалерот во вредност од околу 2,5 милиони евра.
Шалке секако не го заборава Македонецот кој кога беше најпотребно му помогна на тимот да се врати во елитата.
Welcome back, Darko Churlinov! #S04 pic.twitter.com/B5xJyO1BJr
— Andreas Ernst (@AndiErnst) January 22, 2024
#Schalke – seit quasi einem halben Jahr wusste es irgendwie jeder: Darko #Churlinov kommt zum #S04 zurück
Aktuell absolviert er den MedCheck, soll am Mittag unterschreiben und könnte um 14:30 schon auf dem Platz stehen… #SSN pic.twitter.com/6KlMeAIDNq— Dirk g. Schlarmann (@Sky_Dirk) January 22, 2024
Лани во англискиот Чешмпионшип запиша само седум настапи, а мораше и да паузира два месеци поради повреда.
Сезонава не доби минутажа во Премиер лигата, но играше за У21 тимот на Барнли за кој запиша и голови против Шефилд јунајтед и Блекбурн роверс.
На клупски план беше дел и од Келн и Штутгарт, а за најдобрата македонска репрезентација има до сега 23 натпревари и четири голови.
