Голем пожар попладнево избувнал на Депонијата „Дрисла“ кај скопското село Батинци, информира директорот на ДЗС, Стојанче Ангелов.

Ангелов вели дека пожарот во депонијата „не е алармантен“ и дека скопските пожарникари работат да го стават под контрола. Сепак тој додава дека:

„Гаснењето на која било депонија е сложено поради хемиските и биолошките процеси кои се одвиваат во внатрешноста на депонијата како резултат на кои се создаваат запаливи гасови.“

Според првиот човек на Дирекцијата за заштита и спасување, праксата покажува дека ваквите пожари многу тешко се гаснат и се предизвикува големо загадување, за што целосната одговорност е на компанијата која стопанисува со скопската депонија.