фото: ffm.mk

Горан Станиќ повика 23 фудбалери за натпреварите со Полска и Италија

Селекторот на македонската фудбалска репрезентација до 21 година, Горан Станиќ го објави списокот со повикани играчи за натпреварите од квалификациите за пласман на Европското првенство 2027 против Полска и Италија.

Новиот квалификациски циклус го отвораме на гостински терен во Краков против Полска на 5 септември, а на 9 септември на стадионот „Петар Милошевски“ во Битола го пречекуваме големиот фаворит во групата, Италија.

– Во нашиот состав има неколку измени во однос на последниот собир и контролните натпревари кои ги одигравме против Косово. Промените ги направивме поради формата на фудбалерите. Одредени играчи го загубија местото во тимот за претстојните натпревари, но тоа не значи дека за следните предизвици нема да сметаме на нив, се разбира доколку го потврдат својот квалитет во клупските натпревари.

Комплетни сме, немаме проблем со повредени фудбалери и се надевам дека така ќе остане и после викенд натпреварите. Како стручен штаб, фокусирани сме на Полска, имаме тежок гостински натпревар на отворањето на квалификациите, но верувам во нашиот тим. Имаме капацитет, но се разбира, мора сериозно да се подготвиме и максимално да го искористиме краткиот период за подготовки. Се надевам дека сите на прав начин ќе ја сфатат својата улога во тимот. За мечот со Италија ќе размислуваме откако ќе се вратиме во Македонија – рече Станиќ.

На списокот на селекторот Станиќ се следните фудбалери:

Голмани:

Васко Василев – Работнички
Љупче Џеков – Силекс
Славе Вргов – А.П. Брера

Одбрана:

Давид Даилоски – Венло (Холандија)
Андрија Димески – Вождовац (Србија)
Андреј Аризанкоски – А.П. Брера
Ѓорге Џеков – Силекс
Анес Мелиќи – Шкендија
Нуман Ајетовиќ – Шкендија
Меметриза Хамза – Струга Трим Лум
Џезаир Авдули – Арсими

Среден ред:

Матеј Ангелов – Работнички
Ѓорѓи Дошев – Македонија Ѓ.П.
Адриан Зенделовски – Олимпик (Шведска)
Теодор Николовски – Работнички
Мартин Ѓоргиевски – А.П. Брера
Матеј Гаштаров – Црвена Звезда (Србија)

Напад:

Димитар Данев – Вардар
Димитар Трајков – Полисја (Украина)
Михаил Талески – Вардар
Кире Стојанов – А.П. Брера
Дашмир Елези – Работнички
Мухамед Елмас – Македонија Ѓ.П.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот