Горан Мисовски и Фадиљ Зендели нови потпретседатели на Собранието, се чека на третиот предлог!
На денешната седница пред пратениците ќе се најде предлог одлуката за утврдување на бројот на потпретседателите на македонското Собрание. Ќе се гласа за нивнот број, а за предлозите за кандидати народните избраници ќе се изјаснат на седница кога ќе бидат обезбедени гласовите на 61 пратеници.
Слободен печат од собраниски извори неофицијално дознава дека како предлози се спомнуваат Горан Мисовкси од НСДП, кој ја има поддршката од Коалицијата „Можеме“ и пратеникот од БЕСА Фадиљ Зендели.
Пратеничката група на ВМРО-ДПМНЕ се откажа од потпретседателската функција на собранието. Според нив со 5 потпретседатели на Собранието ќе се зголемат трошоците кои ги плаќаат граѓаните, но и поради тоа што најголем дел од нив никогаш нема да седнат на спикерското столче. Од потпретседателското место во парламентот се откажа и СДСМ, како реакција на критиките во јавноста.
Потпретседателска функција во Собранието посакува и опозициските партии Алијанса и Алтернатива. Но според законските норми не им припаѓа ова место им припаѓа на најгоелмата опозициска партија, во случајов ВМРО-ДПМНЕ.
Собраниски извори не ја исклучуваат можноста и коалицијта Алијанса и Алтернатива да имаат потпретседател, но за тоа треа да соберат 20 потписи, што во случајот, ваквата можност ја исклучуваат.