Голманот Спортиело е првото летно засилување за Милан
Tимот на Милан денес го промовираше своето прво летно засилување, станува збор за искусниот голман Марко Спортиело.
31-годишниот чувар на мрежата во Милан пристигнува од редовите на Аталанта како слободен агент и потпиша договор до 2027 година. Во Милан доаѓа на местото на Романецот Ципријан Татарушану како резерва на првиот голман, Мајк Мањан. Татарушану донесе одлука да ја промени средината.
Спортиело е голман кој во кариерата во главно беше втора опција, како прв голман помина четири сезони, две во Аталанта и по една во Фиорентина и Фросиноне, а го носеше уште дресот и на Карпи.
Official Statement: Marco Sportiello ➡️ https://t.co/w2hodCqTET
Comunicato Ufficiale: Marco Sportiello ➡️ https://t.co/PdKwekztE1#ACMQuest #SempreMilan pic.twitter.com/S5cmdCDXZM
— AC Milan (@acmilan) June 28, 2023