Рафаел Надал неодамна им откри на медиумите дека има редовна комуникација со најголемите ривали, Новак Ѓоковиќ и Рожер Федерер.

Првиот тенисер на АТП ранг листата, Ѓоковиќ ги потврди зборовите на Надал дека тие тројца имаат група на Ватс Ап во која си разменуваат пораки.

– Да, имаме група на Ватс Ап – им одговори Ѓоковиќ на новинарите во Доха кои пак ги интересираше кој е најактивен во нивната група.

– Сите сме активни или не сме. Кога сме активни на групата, тогаш сите одговараат. Се согласуваме добро, долго се познаваме и постои неверојатно голем респект помеѓу нас. И на приватен и на професионален план. се додека е така, мислам дека сите имаат корист, а посебно нашиот спорт – додаде Ѓоковиќ.