Грув, енергија, пасија се само некои од работите кои ќе ги видите на сцената во МКЦ. Заедно со сите точки, подготвени се и неколку изненадувања за публиката и за поддржувачите. Концертот ќе се одржи на 14 јуни, во 20 часот, во МКЦ – Кино „Фросина“, известија од тимот на „Битрикс“, културно-уметнички центар за уличен танц.

„Битрикс“ се повеќекратни шампиони на локални, регионални, интернационални и светски натпревари. Тие се креатори на платформите „Битрикс Танцова Лига“, „Битрикс Спешлс“, „ВАДА-Виртуелна Американска Танцова Академија“ со Амбасадата на САД, „Познат рефрен“ со „Јуроп хаус Скопје“ и други.

Креатори се на многу танцови претстави во мешани жанрови, меѓу кои и најуспешната „Тишина“, премиерно изведена во Националната опера и балет во 2018 година. Со истата претстава, а поддржани од УНИЦЕФ, патуваат низ 15 градови низ С Македонија.

На годишниот концерт за 2023 година ќе се претстават танчарите-членови на „Битрикс“ во изведба на танцови кореографии по хип-хоп, современ танц и денсхол, а во кореографија на Елена Стојкоска, Надја Лукановска, Ива Георгиева, Михаела Дамчевска, Ана Ковачка, Теодора Ковачка, Мила Стојановска, Јана Лукровска, Никола Игновски и Јована Зајкова.