Македонскиот ракометар Гоце Георгиевски започна нов предизвик се впушта во тренерските води.

Како што објавија од ракометниот клуб Рисови Скопје, 36-годишниот Георгиевски ќе биде дел од нивните младински категории како член на стручниот штаб.

Георгиевски е ракометар кој зад себе има големо искуство со многу настапи за репрезентацијата на Македонија од која се пензионира пред неколку месеци.

Сега крилото на Вардар ќе има можност своето искуство да го сподели со младите ракометари кои се на почетоците на своите кариера. Во кариерата Георгиевски го носеше дресот уште на Металург, францускиот Феникс и ЦСМ Букурешт од Романија.