Десното крило Гоце Георгиевски одлучи уште една сезона да игра во дресот на ракометниот клуб Вардар 1961 кој е среќен што популарниот „Џомба“ се согласи да биде дел од тимот, и не само да игра на позицијата на која и до сега настапуваше, туку и да им помогне на соиграчитe на тоа место да напредуваат и да се усовршуваат.

Вардар во иднина ќе го има речиси истиот тим со кој и сезонава е во игра за шампионската титула, а Георгиевски дава сериозен придонесе во тоа. Една од легендите на македонскиот ракомет Вардар беше два пати шампион на Македонија, три пати го освои националниот Куп и еднаш Супер купот, а играше и во Лигата на шампионите.

– Знаеме колку значи искуството што го има во себе Гоце, и среќни сме што прифати да биде уште една сезона дел од Вардар. Неговото искуство ќе биде од големо значење за играчите кои доаѓаат на сцената, и кои се повеќе се наметнуваат. Тој е расположен, освен што ќе игра, и да го пренесе своето искуство на помладите колеги. Вардар е веќе стабилизиран, сериозен, и нашите амбции секогаш се победа, и титули. Гоце е сè уште гладен за победување, исто како и Вардар и заедно ќе чекориме кон нови победи – изјави Борко Ристовски, Извршниот директор на Вардар.

Клубот работи на новите засилувања, и задржување на играчите кои се дел од клупската визија, за силен тим, на секоја позиција.

Вардар до последното коло сезонава ќе биде во игра за титулата, а повеќе од сигурно е дека ќе има подобар пласман во однос на лани. Воедно му претстои и одбрана на трофејот во Купот, што е негова следна цел.