Го стигна кармата: Нејмар им се насладуваше на поразите на другите, а на крајот тој плачеше како мало дете
ПСЖ загуби во финалето на Лигата на шампионите од Баерн Минхен, а сцените по натпреварот ги одбележа уплаканиот Нејмар. Имено, Нејмар плачеше како мало дете кога поминуваше покрај шампионскиот пехар, и тој гест наиде на одобрување кај поголем дел од фановите, но не и кај одреден дел од медиумите кои го сметаат за лицемер.
Причината за тоа е неговото лицемерие е тоа што на патот до финалето во ЛШ тој по победите им се ситеше на своите противници.
Се заполна со осминафиналната пресметка и дуелите со Борусија Дортмунд и Ерлинг Халанд. Младиот Норвежанец ги постигна двата гола за Борусија во првиот натпревар (2:1) и ги прослави на вообичаен начин, со поза како медитира.
Во реваншот ПСЖ славеше со 2:0, а фудбалерите победата ја прославија така што ја прифатија идејата на Нејмар и сите седнаа на теренот и зазедоа поза како да медитираат.
Во четвртфиналето, ПСЖ со два гола во финишот ја елиминира Аталанта, а Нејмар и фудбалерите на ПСЖ пласманот во следната фаза го прославија така што славењето на стрелецот на победничкиот гол на социјалните мрежи го нарекоа „Танцувај како Чупо“ што е потсмевање на одамна познатиот танц на играчот на Аталанта, Папу Гомез.
Во полуфиналето ПСЖ го совлада Лајпциг, а Нејмар тоа го одбележа со слика на која пие енергетски пијалок Ред Бул, компанија која е сопственик на германскиот тим. Откако го испи пијалокот тој порача „Тато е во финале“.
Токму поради тоа сликата на Нејмар како плаче по поразот од финалето, дел од медумите тоа го протолкуваа како карма и порачаа дека треба да ги респектира противниците откако ќе ги победи.