Го изгубила сопругот четири дена по венчавката, а сега е првата трансродова жена во Конгресот
Сара Мекбрајд (34) влезе во историјата со тоа што стана првата отворено трансродова личност избрана во американскиот Конгрес.
Препорачано
Сара е родена на 9 август 1990 година во Вилмингтон, Делавер. Таа покажала интерес за политика уште од рана возраст. Нејзиниот татко Дејвид Мекбрајд се присетил на моментот кога Сара на 11-годишна возраст поставила американско знаме во својата соба и го рецитирала инаугуративното обраќање на Френклин Д. Рузвелт, пишува „Јаху“.
Thank you, Delaware! Because of your votes and your values, I am proud to be your next member of Congress.
Delaware has sent the message loud and clear that we must be a country that protects reproductive freedom, that guarantees paid leave and affordable child care for all our… pic.twitter.com/QgwRkpUlbD
— Sen. Sarah McBride (@SarahEMcBride) November 6, 2024
Според Nation Women’s History Museum, додека студирала на Универзитетот во Вашингтон, Сара била избрана за претседател на студентското тело. Во нејзината последна недела на функцијата, во 2012 година, таа јавно објави дека е трансродова жена, привлекувајќи го националното внимание и етаблирајќи ја како големо име во ЛГБТК+ активизмот.
Животната приказна на Сара е одбележана и со голема загуба. Нејзиниот сопруг, Ендру Креј, исто така ЛГБТК+ активист, почина од рак само четири дена по нивната венчавка во 2014 година. И покрај загубата, Сара ја продолжи својата борба за еднаквост, честопати наведувајќи ја страста на Енди како инспирација за нејзината работа.
Во својата книга „Tomorrow Will Be Different: Love, Loss, and the Fight for Trans Equality“, Сара детално го објаснува своето искуство во транзицијата, нејзината љубовна приказна со Енди и предизвиците со кои се соочила како трансродова жена во политиката. Пред четири години таа стана првата трансродова сенаторка во историјата на САД и највисоко рангирана трансродова политичарка во САД, каде што се стекна со признание за нејзината работа во областа на здравствената заштита и правата на ЛГБТК+ заедницата.
Сара Мекбрајд сега е избрана во Претставничкиот дом на Соединетите држави, со што стана првата отворено трансродова личност во американскиот Конгрес. Како демократска кандидатка, таа победи републикански противник во трката за единственото претставничко место во Делавер.
