Гласините за 5Г мрежата и коронавирусот ги предизвика Хрватите: Искршија опрема вредна 15.000 евра
Општината во февруари постави опрема за безжичен интернет, што во Бибиње предизвика гласини дека „општина во тајност, преку ноќ инсталирала опрема за 5Г сигнал“.
Изминативе денови имаше случаи на палење на 5Г антени и уништување на опрема во Велика Британија и Холандија, што главно беа поттикнати од гласините, за кои нема без никакви докази, дека постои поврзаност на воведувањето 5Г технологијата и пандемијата од коронавирусот.
UK carriers actually have to politely ask idiots not to burn down 5G masts https://t.co/zRE21eYFjE by @benlovejoy pic.twitter.com/rTr61YMJUF
— 9to5Mac.com (@9to5mac) April 6, 2020
Нешто слично се случи во Хрватска. Имено, во општината Бибиње во Задарската жупанија, дошло до уништување на неодамна поставената Wi-Fi опрема која ја финасираше ЕУ, во рамки на проектот Wifi4EU.
Тоа најверојатно довело до вандалскиот чин, во кој делумно е уништена опремата поставена врз зградата на тамошниот спортски центар, пренесува Баг. Уништените уреди се дел од опремата поставена на три места во тоа градче, чија вкупна вредност е 15.000 евра.
Оштетувањето е брзо забележано бидејќи уредот престанал да работи. Бидејќи просторот на кој се наоѓа опремата бил покриен со видеонадзор, надлежните се надеваат дека полицијата ќе го пронајде „одмазникот против 5Г мрежата“.
Од општината ги демантираа гласините за инсталирање на 5Г опремата, означувајќи ги како „невистинити информациите, и лаги кои некој ги пласира во јавноста“.