Младите пливачи Никола Ѓуретановиќ (17) и Петар Цеков (16) блеснаа со врвни настапи на Националното првенство, испишувајќи нови страници во историјата на овој спорт.

Ѓуретановиќ го сруши апсолутниот државен рекорд на пет километри со време од 55 минути и 10 секунди, додека Цеков постави нов најдобар резултат во категоријата 16–17 години, завршувајќи ја истата делница за 55 минути и 40 секунди.

Освен што ги урнаа домашните рекорди, двајцата млади пливачи се запишаа и на европската мапасо нивните времиња се рангирани како втори најдобри во Европа за категориите под 18 и под 17 години.