Најдобрата македонска машка одбојкарска репрезентација се подготвува за настапот во Европската златна лига 2024 каде за противници ќе ги има Естонија, Чешка, Азербејџан, Хрватска и Шпанија.

Потсетување дека националниот тим има нов селектор, Хари Наковски кој повика 15 одбојкари.

Европската златна лига треба да биде само загревање пред настапот во квалификациите за пласман на следното Европско првенство 2026 што ќе биде главна цел.

Своите очекувања пред новите репрезентативни обврски ги сподели репрезентативецот Ѓорѓи Ѓорѓиев:

– Убаво е чувството кога сте во репрезентацијата, среќен сум што ги гледам момците и што играм со нив, и сè е во најдобар ред. Нашата цел е пласман на Европското првенство, што би било четврто по ред за нас, целиот фокус ќе биде на квалификациите во август. Европската златна лига ќе ни биде голем тест, имаме краток период на подготовки, подмладени сме, што е убаво за оваа репрезентација. Тест да видиме до каде сме, и што можеме да подобриме за овие европски квалификации. Ќе уживаме во одбојката, се надевам дека ќе имаме и добри резултати – рече Ѓорѓиев.

Двојна битка против Грција: Македонија ги доби противниците во битката за пласман на ЕП 2026 во машка и женска конкуренција

Одбојкарите со новиот селектор ја започнаа мисијата за пласман на Европското првенство