Вториот грен слем турнир оваа година, Ролан Гарос (25 мај – 8 јуни), кој српскиот тенисер Новак Ѓоковиќ го освои во 2016, 2021 и 2023 година, започнува денеска на тениските терени во Париз, Франција.

Ѓоковиќ ќе има можност да го освои 101 АТП трофеј во кариерата во Париз, откако во саботата беше најдобар во Женева, Швајцарија, каде го освои својот 100 трофеј.

Србинот во првото коло ќе игра против Американецот Макензи Мекдоналд, кој е рангиран на 99 место на АТП листата.

Титулата во машка конкуренција ја брани Шпанецот Карлос Алкараз, кој минатата година во финалето го победи Германецот Александар Зверев, а кај жените Ига Швјонтек од Полска беше подобра од Италијанката Јасмин Паолини.

Наградниот фонд на Ролан Гарос оваа година е 56.352.000 евра, а победниците во машка и женска конкуренција ќе добијат по 2.550.000 евра.