Германецот е разочаран од новиот тренер на Јувентус, Маурицио Сари кој не го пријави за настап во Лигата на шампионите. Ова е јасен знак дека Сари не смета сериозно на услугите на Емре Џан.

– Шокиран сум. Разговаравме, но не добив никакво објаснување. Бесен сум поради оваа одлука. Морам да видам што ќе правам по репрезентативните настапи. Ми беа ветувани многу работи и поради тоа одбив да се преселам во ПСЖ, а видете како ми вратија – изјави гневниот Џан за „Билд“.

Покрај Џан, тренерот Сари од најзвучните имиња не ги пријави уште и денеска оперираниот Џорџо Кјелини и Марио Манџукиќ.
Јувентус и сезонава е еден од најголемите фаворити за триумф во ЛШ, а натпреварите ги започнува во групата Д заедно со Атлетико Мадрид, Баер Леверкузен и Локомотив Москва.