Иванка Трамп блесна на инаугуративниот бал на својот татко Доналд Трамп, во прекрасен иконски фустан кој љубителите на модата и филмот многу добро го знаат. Имено, таа се појави во реплика на фустанот што славната Одри Хепберн го носеше во филмот „Сабрина“ од 1954 година.

Овој култен модел е дизајниран од легендарниот Хуберт де Живанши, славен дизајнер и пријател на актерката. Сега, синот на Одри, Шон Хепберн Ферер проговори и ја коментираше ситуацијата.

Тој рече дека „не е ни чудо“ што ќерката на Доналд одлучила да ѝ оддаде почит на неговата покојна мајка поради нивните повеќедецениски семејни врски, пренесува „Дејли мејл“.

„Не е ни чудо што растејќи во семејство во кое мајка ми беше многу позната, таа реши да црпи инспирација од неа. Таа ја бараше врвната елеганција и софистицираност за ваква пригода – инаугурацијата, 32-годишнината од смртта на мојата мајка, и што е најважно, Денот на Мартин Лутер Кинг! – изјавил Шон за „Дејли мејл“.

 

View this post on Instagram

 

A post shared by Ivanka Trump (@ivankatrump)

За потсетување, Белата куќа соопшти дека Иванка изразила големо задоволство од можноста да облече фустан сличен на оној што го прослави Одри Хепберн.

„Таа е исклучително благодарна на семејството Арно и Живанши за создавањето на ова ремек дело. Одри Хепберн служеше како инспирација на Иванка долги години и таа го гледа ова како голема чест и привилегија“, стоеше во соопштението.

Ова не е првпат Иванка Трамп да црпи инспирација за својот моден избор од стилот на холивудските икони. На свадбата на нејзината сестра Тифани, таа носеше син фустан кој изгледаше речиси идентично со фустанот на Грејс Кели во филмот „Фатете го крадецот“ од 1955 година.

ФОТО | Првата дама ги оправда очекувањата: Меланија Трамп во елегантна креација на Адам Липес на утринска миса пред инаугурацијата