Српскиот тенисер Новак Ѓоковиќ со лесна и сигурна победа го стартуваше турнирот во Рим. Најдобриот светски рекет со 2:0 во сетови беше подобар од Корентин Муте.

Ѓоковиќ бавно влезе во мечот, но кога го најде потребниот ритам лесно се справи со противникот и се пласираше во следната рунда. Во првиот сет Муте водеше со 1:3, а потоа Ѓоковиќ освои пет гема во низа за 6:3.

Серијата на Ѓоковиќ продолжи и со брејк на стартот од вториот сет, а потоа продолжи да доминира за победа од 6:3 и 6:1 за точно 83 минути игра.

Противник на Ѓоковиќ во следното коло ќе му биде Табило од Чиле кој го совлада германскиот тенисер Ханфман.

Изненадување приреди Кецмановиќ кој го елиминираше Каспер Руд. Норвежанецот го доби првиот сет со максимални 0:6, но следните два сета со по 6:4 му припаднаа на Кецмановиќ кој така обезбеди пласман во третото коло.