Влада Стошиќ, дел од шампионската генерација на Црвена звезда, ја посети Фудбалската федерација на Македонија (ФФМ).

Стошиќ заедно со поранешните македонски фудбалери Дарко Панчев и Илија Најдоски со белградските „црвено-бели“ станаа европски шампиони во 1991 година.

– Ни беше чест да ја угостиме фудбалската легенда Влада Стошиќ, еден од легендарните играчи од шампионската генерација на Црвена звезда од времето на нашите Најдоски и Панчев – стои во објавата на ФФМ.

Фудбалската федерација на Македонија со Стошиќ размени идеи за фудбалот во регионот.

– Ваквите средби се потсетник дека фудбалот е многу повеќе од игра – тоа е традиција и инспирација – објави ФФМ.