Француски фармацевти: Ако сѐ биде во ред, вакцина за коронавирусот ќе имаме за 20 месеци
Засега не постои вакцина за коронавирус, но на нејзиниот развој работат неколку компании.
Францускиот институт Пастеур објави денеска дека основал тим кој за 20 месеци би требало да развие вакцина против коронавирусот.
Соединетите Американски Држави, Јапонија и други земји воведоа ограничување на патувањата во Кина, изворот на епидемијата, додека фармацевтите се обидуваат да развијат лек за вирусот.
Досега заразени се 10.000 луѓе, а Светската здравствена организација прогласи вонредна состојба на меѓународно ниво.
Претставниците на Пастеур изјавиле дека доколку се биде во ред, вакцината во Париз би можела да биде достапна за 20 месеци.
Засега не постои вакцина за коронавирус, но на нејзиниот развој работат неколку компании.
Инаку, епидемијата на коронавирус ја надмина епидемијата на САРС од 2003 година кога заразени беа 8.100 луѓе. До денес фармацевтите не успеаја да создадат вакцина за САРС.