Италијанскиот ас Јаник Синер мораше добро да се намачи за да обезбеди пласман во четвртфиналето на АТП турнирот во Пекинг, откако во три сета го совлада Французинот Теренс Атмане со 2:1 (6:4, 5:7, 6:0), во меч што траеше два часа и 22 минути.

Првиот сет помина во рамноправна борба, но Синер успеа да го скрши отпорот на противникот со еден брејк и да поведе со 1:0. Се чинеше дека Италијанецот ќе ја заврши работата побрзо, откако двапати имаше предност со брејк и во вториот сет, но борбениот Атмане секогаш наоѓаше начин да се врати. Во самиот финиш, Французинот направи голем пресврт и го доби сетот со 7:5, на сервис на Синер.

Но, третиот сет беше целосно во знакот на фаворитот. Синер ја подигна играта на повисоко ниво, доминираше од почеток до крај и со три брејка без загубен гем (6:0) го обезбеди своето место меѓу најдобрите осум.

Во четвртфиналето, Синер ќе се сретне со унгарскиот тенисер Марошан.

Меѓу преостанатите фаворити, и Австралиецот Алекс де Минор обезбеди четвртфинале, откако беше подобар од Артур Риндеркнеш.

Преземено од: Спорт.ком.мк

Алкараз без многу мака до четвртфинале во Токио