Францускиот претставник на Евровизија 2024 обвинет за сексуално злоставување: Се појавија детали од тужбата
Францускиот претставник на овогодинешниот Избор за песна на Евровизија, Слиман, е обвинет за сексуално вознемирување, јавуваат француските медиуми.
Препорачано
Во тужбата поднесена до државното обвинителство во Сент Етјен се наведува дека нападот наводно се случил во декември 2023 година, кога Слиман настапил на концерт во Сент Етјен.
Според изворите, тужбата ја поднел еден од поранешните техничари на пејачот кој работел со него на турнеја. Во тужбата навел дека сѐ се случило на 17 декември 2023 година, по концертот.
Тој рече дека пејачот го притиснал за ѕид и потоа го замолил да биде со него. Според неговото сведочење, Слиман инсистирал да го одведе во соблекувалната за да имаат секс, а неговиот поранешен техничар рекол дека не го интересира тоа и дека е хетеросексуалец и оженет.
Откако го одбил, рекол дека во текот на ноќта добил неколку десетици пораки од Слиман. Техничарот потоа ја известил компанијата која го вработила, а тие, според француските медиуми, ги повлекле сите техничари кои работеле со пејачот на турнејата.
Јавниот обвинител на Сент Етјен, Дејвид Шарматц, рече дека адвокатот на жртвата планира да достави докази.
Ги чекам тие документи, па потоа можеме да ги слушнеме и жртвата и сторителот“, рече тој.
Да потсетиме, Слиман ја изведе песната „Mon Amour“ на Евровизија, а по настапот рече: „Соединети од музиката, но за љубовта и за мирот“.
