Бруно Ле Мер одлучи да се повлече од функцијата министер за одбрана на Франција, на која беше назначен вчера, и да му го врати мандатот на премиерот во оставка Себастијан Лекорни, објави денеска АП.

Како што објавува дневниот весник „Фигаро“, Ле Мер и Лекорни разговарале по телефон утрово, а премиерот го прифатил предлогот за оставка, што значи дека како премиер треба привремено да ги преземе одговорностите на министерот за одбрана.

„Ниту една ситуација не смее да ги блокира нашите институции. Сакам оваа одлука да овозможи продолжување на разговорите со цел формирање нова влада, која ѝ е потребна на Франција“, објави Ле Мер на својот профил на X network.

Порано денес, премиерот Лекорни имаше средба со францускиот претседател Емануел Макрон во Елисејската палата и му ја поднесе својата оставка од функцијата премиер.

Поранешниот министер за внатрешни работи на Франција, Бруно Ретаљо, денес изјави дека Лекур „ја криел“ од него одлуката за назначување на поранешниот министер за финансии Бруно Ле Мер на функцијата министер за одбрана и оцени дека „е недозволиво да се поддржува левичарски премиер“.
Лекур поднесе оставка само 12 часа откако беше назначена владата, што го прави премиер со најкраток стаж во Франција.

Оставката на Лекорни, која ја прифати претседателот Емануел Макрон, ја одразува политичката криза низ која минува Франција во изминатите година и пол, откако претседателот ја распушти владата во јуни 2024 година по поразот на неговата партија на изборите за Европскиот парламент.

Оттогаш, се сменија тројца премиери – прво Мишел Барние, потоа Франсоа Бајру и конечно Лекорни, кој беше назначен на функцијата пред неполн месец, на 9 септември.