Некогашната тенисерка гостувала во една емисија во луксузна модна комбинација која е совршена рамнотежа меѓу минимализмот и гламурот.

Поранешната руска тенисерка Марија Шарапова деновиве добива многу признанија за својата блескава кариера, а постојано го оправдува и статусот на една од најдобро облечените тенисерки на светот.

Шарапова во моментот престојува во Њујорк каде свечено ѝ бил врачен официјалниот прстен на УС опен, што го освоила во 2006 година, а по тој повод гостувала во емисијата „Тудеј шоу“ на „Ен-би-си“.

Шарапова за оваа прилика избрала мошне шик стајлинг, а воедно и многу луксузен.

Убавата Русинка избрала да носи едноставна, минималистичка бела блуза со кратки пуф ракави, кои го интензивираат впечатокот на нејзиното модно издание, а станува збор за брендот „Gabriela Hearst“, која чини 2.070 долари.

Блузата ја комбинирала со кафеаво миди-здолниште од кожа, асиметричен тесен модел којшто од колената благо се шири, а во прашање парче од истата модна куќа вредно дури 6.840 долари.

Марија Шарапова покрај тоа носела и кожена чанта од истиот бренд, наречена „Аметист“, која чини 3.500 долари, како и неутрални салонки кои се претставени под името „Едвина“, за кои издвоила 1.300 долари.

Целокупниот стајлинг на атрактивната Марија чини повеќе од 13.700 долари, а впечатокот што го оставила со својот стил едноставно е феноменален. Резултатот е елегантен стајлинг којшто одлично функционира и за дневни и за вечерни прилики, а комбинацијата од класично здолниште и блуза со впечатливи ракави направиле одличен баланс меѓу минимализмот и луксузниот ефект.

 

View this post on Instagram

 

A post shared by Maria Sharapova (@mariasharapova)

Марија Шарапова се враќа на тенисот?

Историјата на Вимблдон: Денот кога Шарапова ја шокира Серена и ја освои титулата