На кралот Чарлс Трети му беше врачена круната на Шкотска, во Единбург, на церемонијата по повод неговото крунисување, пишува „Би-би-си“.

На националната служба за благодарност, во катедралата Сент Гилс, тој ја доби круната со скапоцени камења и жезолот, кои се дел од наследството на Шкотска. Исто така, беше прикажан и нов меч, именуван во чест на покојната кралица Елизабета Втора.

Пред службата, круната беше донесена од замокот во Единбург, во катедралата Сент Гилс, во поворката во која учествуваа околу 100 луѓе, кои ја преставуваа Шкотска од различни аспекти. Покрај нив, повеќе од 700 членови на Кралската морнарица, британската армија и кралските воздухопловни сили беа дел од поворката.

Кралот Чарлс и кралицата Камила ја напуштија палатата Холирудхаус, нивната официјална шкотска резиденција и со автомобил беа приклучени во посебната поворка.

Ним им се придружија Вилијам и Кејт, кои во Шкотска се познати како војводата и војвотката од Ротези. Кон крајот на поворката, тројца музичари од поранешното училиште на кралот Чарлс свиреа на гајди.

На оваа свечена служба, голема улога имаше и „Каменот на судбината“, кој во мај беше однесен во Лондон, за крунисувањето на кралот во катедралата во Вестминстер.

Инаку, луксузната круна, на кралот Чарлс му беше врачена од професорот Дејвид Фергусон, кој е декан на „Кралската капела“ и декан на „Редот на Трнот“.

Целата служба беше проследена со почесна стрелба, со истрелување од 21 пиштол, а имаше и свечен прелет над Единбург од страна на Кралската воздухопловна сила.

Но, овој величенствен ден беше одбележан и со протести, кои се одржаа покрај поворката на „Кралската милја“, за време на официјалната прослава.

Погледнете колку вреди богатството на кралот Чарлс

ФОТО+ВИДЕО | „Главна“: Принцезата Шарлот го опоменa својот помлад брат Луис и стана вирален хит

По секоја цена сакал да спречи една работа: Кралот Чарлс ја исфрли саканата асистентка на кралицата Елизабета