Рано утринава во руски напад врз украинскиот град Киев, цел бил центарот на градот, а погодена е и владината зграда, во која избил пожар, јавуваат светските медиуми. Според извештаите, две крстосувачки ракети „фламинго“ удриле врз строгиот центар на Киев, што е прв таков напад од почетокот на војната пред повеќе од три и пол години.

Оштетена е една од главните владини згради, а пожарникарите се обидуваа да го изгаснат пожарот со хеликоптери. На Фејсбук, премиерката на Украина, Јулија Свириденко, пишува дека „за првпат, владината зграда, покривот и горните катови се оштетени поради непријателски напад“ и дека спасувачите го гаснат пожарот“.

На социјалните мрежи се шират снимки на кои се гледа столбот од чад од зградата која гори. Градоначалникот на Киев, Виталиј Кличко, вели дека владината зграда била во пламен како резултат на „наводен напад со беспилотно летало“.

For the first time since the invasion of #Ukraine, #Russia has struck an official government building.

The roof and the upper floors of the Cabinet building in the Ukrainian capital of Kyiv were damaged, causing fires.

Pictures by @maria_drutska ✓ https://t.co/cPeLL4fH5N pic.twitter.com/qoVjiMyutM

— German Military Info (@GermanMilinfo) September 7, 2025

Русија лансирала повеќе од 800 беспилотни летала и ракети во последниот ноќен напад кон Украина, соопштија воздухопловните сили на Украина. Според написот, 9 ракети и 56 беспилотни летала погодиле 37 локации, а соборените остатоци паднале на 9 локации.

Así amanece en Kyiv

pic.twitter.com/TQLzvv0e0s

— Alerta Noticias UKR 24 (@UKR_token) September 7, 2025