ФОТОГАЛЕРИЈА | Супермесечината синоќа блесна низ светот: Фотографиите се спектакуларни
Најголемата и најсветлата Супермесечина во 2024 година блесна ширум светот синоќа.
Препорачано
Во англофонските земји, оваа Полна Месечина популарно се нарекува „Месечина на ловецот“ бидејќи во минатото го означувала времето кога ловците ја користеле зголемената месечевата светлина за да ловат и да подготвуваат залихи за храна за зимата.
Фотографиите од Супермесечина од различни делови од светот се зачудувачки.
Што е Супермесечина и зошто е оваа посебна?
Поради својата елиптична орбита, Месечината не е секогаш на исто растојание од Земјата. Кога фазата на полна месечина и перигеј се совпаѓаат, Месечината изгледа поголема и посветла од полната месечина во други периоди од годината.
Супермесечината се јавува кога Месечината е во фаза на полна месечина и исто така е на најблиската точка до Земјата во нејзината орбита, позната како перигеј.
Оваа „Месечина на ловецот“ е посебна поради неколку причини: Месечината се приближи до Земјата повеќе отколку во кое било друго време од годината, а за време на перигејот изгледаше 15 отсто поголема отколку кога беше во апогеј.
